ام شربل: يروحوا يقصفوا الجنوب.. والرد الجنوبي: ناطرينك لنعمل قداس على نية شربل

رداً على الكلام الذي أطلقته ام شربل عبر إحدى القنوات اللبنانية بعد فقدها ابنها في تفجير بيروت حيث قالت: “يروحوا يفجروا بالجنوب نحنا شو ذنبنا” !!!!

هذا الأمر الذي استفز معظم الجنوبيين واللبنانيين بشكل عام مؤكدين أن الجنوب جزء من لبنان وما عاناه حتى اليوم من احتلال وظلم جعل كل أبنائه يتألمون اليوم على كارثة بيروت التي تعيد لذاكرتهم الأسى والعدوان.

وبدعوة صادقة من فضيلة الشيخ ربيع قبيسي كانت هذه الرسالة لأم شربل عبر صفحته الخاصة على الفيسبوك:

أم شربل قلبها محروق ناطرة ومش عارفة مصير إبنها ، حِكيت من وجعها وبكينا معها وتأثّرنا ، حكيت حكي هي ومنفعلة ومش عارفه ليش حكيته ، هالحكي خلّى كتير من أهل الجنوب يتأثروا وينزعجوا .

روقوها يا شباب هيدي أمنا ناطره خينا ومش عارفة شي عنه ، قلبها أسود من الحزن ومحروق ، هيدي أم مصدومة.

رح قلك يا إمي !

نحن ناطرينك بالجنوب بمدينة صور حتى نعمل قداس بكنيسة سيدة البحار على نية #شربل كرم وكل المفقودين والشهداء ونصلي سوا وتتعرفي ع الجنوب وأهله الطيبين يلّي عاشوا حروب وتوتر وانفجارات سنين طويلة، قدّموا شهداء بالآلاف شباب حلوين ومؤمنين بلبنان كرمال تبقى الأرزة ، ونزل عليهم كتير قذائف وقصف ودمار لأنه ما بدهم إلا الكرامة ، خينا شربل يلي هو إبنك رح يكون معهم بالجنة إذا كان شهيد وإذا رجع رح نسقي سوا الأرزة متل ما قالت أم جو عقيقي ومتل ما عملت إم محمد سعد .

الجنوب يلي مش رح تقدري تميزي بين الآذان وصوت أجراس الكنيسة ، الجنوب يلي علمنا في موسى الصدر إنه كلنا إخوة عشان هيك نحن متلك ناطرين شربل وكل المفقودين وعيوننا دموع عَ الشhداء يلي راحوا .

ناطرينك بالجنوب يا أمنا يا أم شربل.
الله يصبرك💔
#بيروت
#بيروت_الجريحة
#لبنان_منكوب

اظهر المزيد
زر الذهاب إلى الأعلى