شحّادين يا بلدنا

آخ يا بلدنا

” شحادين يا بلدنا “

شحادين يا بلدنا…قالوا عنا شحادين

نشالين يا بلدنا…قالوا عنا نشالين

نحنا مين يا بلدنا…نحنا شوية مساكين

مظلومين يا بلدنا…ايه و حياتك مظلومين

***

عطشانين يا بلدنا… و المي بخمس و ستين

جوعانين يا بلدنا… و ما عنا رز و لا طحين

طفرانين يا بلدنا…و بالتعتير مليانين

محتارين يا بلدنا… ليش بنشكي..محتارين

*****

أراضينا للبيع للأغراب يا بلدنا

جرايدنا للبيع للسفارات يا بلدنا

ضمايرنا للبيع للجواسيس يا بلدنا

على اونا…على دوّي…مين بدو يشتري مين

نحنا يا أهل المروّه مساكين…مساكين

*******

وزراء و نواب للبيع

مدراء و حُجّاب للبيع

شعراء و كتّاب للبيع

كلو.. كلو للبيع

*********

ليش بنسرق ما سألتونا….بنسرق لأنو سرقونا

ليش بنبيع ما سألتونا…..بنبيع لأنو باعونا

سرقونا الكبار

باعونا الكبار

و نحنا حرامية دراويش

صغار…..صغار…..صغار

 

 

اظهر المزيد
زر الذهاب إلى الأعلى