شركة المختار لبيع الحيوانات – بسام علي سعادة

الجزء ١ الأول من { شركة المختار لبيع الحيوانات }

يا مختار يامختار كيف الصحة يا مختار
أهلا وسهلا بحمدان من ضيعة كفرمان
أُمر شَرِّف يا معلم شوا ناقص بدو حمدان
بدي حمار للضيعة نوعه كويس ورخيص

أهلا وسهلا بحمدان وعندي من كل البلدان
عندي حمار الأفريقي … وعندي حمار الخليجي
وعندي حمار الياباني وعندي الحمار الصيني
تفضل نقي يا عيني وفيهم واحد بيغني

حمار الأفريقي مألم … والياباني متعلم
والصيني بيخرب دغري … والخليجي بيتكلم
تفضل نقي يا عيني … وخدلك واحد وأمشي
هيدي بضاعة معروفة … منيحة كتير ومكفولة

بس تقرر بتقللي … تكرم عينك يا خيي
قديش بتأمر يا مختار حتى أدفع مصاري
ماقلتلي شو نقيت حتى أعمل فاتورة
بدي واحد خليجي وخصوص يكون سعودي

هيدا غالي بس شوي … مجنط وبيمشي عاالمي
لا بدوا تعبي بترول … ولا بدوا تغيرلوا زيت
كم بتأمر يا مختار … أد ما بدك يا عيوني
ما ماعي إلا هاالألف خذها دفعة عا الحساب

أهلا وسهلا بزبوني وتكرم عينك ياعيوني
بكرة بنقيلي شي كلب ومعوا بقرة ومعزاية
أهلا وسهلا بحمدان الشركة فيها ومليانة
عندي بقر أمريكي …وعند جحاش كويتية

وعندي كلاب الماني … وعندي حيوان إمراتي
وعندي أحلى أنواع الماعز … نوعه مأصل وشامي
برجع لعندك شي يوم …وبعبي فيها الحظيرة
لا تتأخر ياحمدان … البضاعة عندي مطلوبة

تكرم عينك يا مختار عطيني فرصة شي جمعة
بنقيلي جحش وحيوان مع البضاع الجديدة

التوقيع : بسام علي سعادة {أبوعلي}

اظهر المزيد
زر الذهاب إلى الأعلى