شفتي يا ستي صار مارق عام – محمد العبد حوراني

شفتي يا ستي صار مارق عام
والخير جايي وبعدنا لقدام
وكرسي بعبدا فاضية بعدا
قولك يا ستي هالزلم اْزلام؟؟

بتعرف يا ستي بدولة القانون
الا ما يطلع شي شخص مجنون
وبالسيف يحكم هالبلد ويكون
كثر الدلع خلى الحكومة تنام

لكن يا ستي حالنا معوكر
وباب السفارة مقفل بعوكر
وال كان جايي ماْكد مسوكر
اختلفوا عليه المملكة والشام

يمكن يا ستي امر رباني
ت نشوف اربعتعش وثماني
وكلمن عم يديرا على التاني
بس النتيجة كلها اوهام

لكن يا ستي حالنا بالويل
وعم ينثفونا وصاغ بطل ميل
وتقلت الهمة وقل فينا الحيل
وخايف ما بكرا يكثروا الاْيتام

لا تخاف يا ستي بعد عقال
ببلادنا وكلا ملانة/ي رجال
ليك الجرود ال ردها ابطال
واياك بعد تصدق !!!!!! الاعلام

محمد العبد حوراني

اظهر المزيد
زر الذهاب إلى الأعلى