ضيعتي عربصاليم – بسام علي سعادة

ضيعتي عربصاليم

عربصاليم يا ضيعة جدادي يا ضيعة وجيهة بقلب أوطاني
سلام لبنان من جنوبوا حضر والراس مرفوع لكل لبناني
عربصاليم يا ضيعة عظيمة يا نبل وطهارة بأهلا الرزينة
الضيافة عندهم بتجلا الأخوة بااللطف مغمور يا حسن الضيافة
عربصاليم يا حبي وحناني يا ضيعة بقلبي وجوا عيوني
من مية نهرها قلبي آرتوى ونهرا روى قلوب أهلا الحنونة
عربصاليم يا ضيعة بجنوبي بشمالها التقت جرجوع البطولة
جرجوع يا كلك وفا وكلك أخوِّي لعربصاليم هاالضيعة الوفية
آه يا جنوب يا كلك أماني من الله محصن برجال الكرامة
حزب الله وأمل النصر زرعوا وقطفتوا سوا نصر وتهاني
الله معك يا جنوب الكرامة شمسك بتشرق بنورها الرباني

من جبل الرفيع بشق ضوئها عاهاالضيعة الرفيعة بجنوب لبناني
يا جنوب لبنان يا جنوبي ومقلاعي ببحرك الأبيض أسرار آهاتي
حبوش بنهرها قلبي عبر وسقا أرضي وحبوش بأهلها الكل أحبابي
يا جنوب العز يا معطر بورداتي كفرمان ما بنساها بقلبي وبوجداني
بجنوب ضيعتنا سهل الميدنة أرضوا زرع
ومن خيرها كفرمان طعمت كل لبناني
الله معك يا شهيد ضيعنا أبومالك سعادة يا شموخ أرزتنا
رصاص الغدر ضيع شبابك وزرع الغصة بقلبنا ونزّْل دمعتنا
يا جنوب لبنان وعربصاليم صخرتها بأرضها حاضنة شهداء بلدتها
من زهر الربيع كل زهرة تمثل شهيد والشهداء كلهم زهور ضيعتنا
ومن الشهداء فوارس رجال ضيعتنا بسماها أنكتب أسماء عيلته

سعادة ونظر وفرحات عيلتنا ومغنية وحمود مية نبعتها
حطاب وشرارة وحسن والكل أخوتنا ونذر ومقلد وعيسى أغلى حبيايبنا
ونورالدين أنوار ضيعتنا وشمس الدين يا غلاوة مشايخها
وبوزيد وموسى وعبود أسود ونسور ضيعتنا
وبعتذر إذا نسيت حدا وما قلت بقيتها
سقطوا كلهم فدا لبنان وبدمهم ضووا سراج وقناديل ضيعتنا
لتظلها عربصاليم هاالضيعة الغالية بعزتها
وباالكرامة مكللة وبأعلى سما مرتفعة نجمتها
بكرامة أهلها الطيبين وشهداء ضيعتنا
ها هيي عربصاليم بقلب لبنان وجنوبه الماظة وجوهرة
عاالراس تاج مرفوع بكل مفخرة
وأهل لبنان كلوا بعربصاليم مقْدَّرة
وعربصاليم بقلبها ومفتوح لكل لبنان وأهلها

التوقيع : بسام علي سعادة {أبوعلي}

اظهر المزيد
زر الذهاب إلى الأعلى