ليش بس نحنا

ليش بس نحنا حالنا دوم لورا
وشعوبنا مخصوص بس مشحرة
وببلادنا بكل المطارح زعبرة
واموالنا ببنوك برا مصبرة
وصرنا باْيد الغرب لعبة ومسخرة
وباْرخص الاثمان عما بننشرى
شو صابنا معقول فينا اللي جرى
ونحنا اللي كنا للشهامة مفخرة
ستين عام وقدسنا ما محررة
وشعوبها في كل واد منتورة
وغزة الابية الصامدة المدمرة
ممنوع اهلا بعد هدما تعمرا
وبسوريا الدعشان عملوا مدبرة
وبكل حي وكل وادي مجزرة
وباسم الله عم تهجر بالقرى
ما بيعرفوا من الدين الا الافترا
ولبنان عما يلاعبونا مجاكرة
قلوب الحكم ع بعضها متنوفرة
وهالناس الله يعينها شو محيرة
ملت من الحكام كدب و هوبرة
وعربانا ربع النسا ……والبهورة
ال عم يدفعوا ملايين كرمال المرا
جابولنا الارهاب من كل الدني
وعادوا بنا لاْيام عهد البربرة

محمد العبد حوراني

أقرأ أيضاً:

أبوعنّي لـ"الوكالة العربية للأخبار" : لتعاملنا دولتنا كما تعامل الدولة السورية مزارعيها
الوسوم
اظهر المزيد
زر الذهاب إلى الأعلى
إغلاق
إغلاق
%d مدونون معجبون بهذه: