ومضات ولادة الامام الحسن عليه السلام

رسول اشتم عطر خدك وقبله
ويضـل نـورك بـعـد ادم وقبله
صـلاة آنت صـرت ألنه وقبله
نصلي عليك كل صبح ومسيه
……..
فراش ألتم عالكماطك فرحلك
رسول الله بفرح جيتك فرحلك
ونزل جبـريل ويهـني فرحلك
يهز مهدك يصلي عالزجية
……
كرم يسجد على أعتابك وجودك
وتغيب الدنية لـوما سر وجودك
جعيدة الكطعت جفـوفك وجودك
بسهم وي جبدك انصابن سوية
……..
تحير الغاز شخصك من حلاها
حـروفك شهـد بيها من حلاها
حلات الجنة حسنك من حلاها
لان بيك الجنان أتلوذ هيه
…….
إلك حضن النبي صاير مهدلاك
إلك جـبريـل ضـل لازم مهدلاك
وإلك ربـك حـسن زايد مهدلاك
كرامة وطيب وجفوفك سخية
……..
رسول اشتم عطر خدك وقبله
ويضـل نـورك بـعـد ادم وقبله
صـلاة آنت صـرت ألنه وقبله
نصلي عليك كل صبح ومسيه
……..
يشجرة طيب من جدك نبعها
ولايـتـكم جـذب بـالـدم نبعها
كل شهكة ونفس بينه نبعها
وبحبكم نحب نهوه ألمنيه
…….
يمن حبك ملك روحي وجنات
ولان رحمة الهي أنت وجنات
ورث من الزغر حبك وجنات
بحليب أمي انتقل موجود بيه
………
الشاعر
اياد الفرح التميمي

اظهر المزيد
زر الذهاب إلى الأعلى