يا ريت عندي خاتم سليمان – محمد العبد حوراني

يا ريت عندي خاتم سليمان
وحكو شي مرة واطلب ل بدي
ورغم الفقر ما اطلب الرنان

وحال البلد عن حالتي بدي
واول طلب قلن يا اهل الجان
عطوني الحكومة بهالبلد مدة ( ي )

وجمع الساسة كلن بلبنان
ومطرح بعيد بهالدني ودي
اتركهم لوحدن يكتبوا الحان

واشعار لا بتشبع ولا تغدي
كرمال نرجع كلنا اخوان
ال عنا الاخوي غايبة مدة ( ي )

وما نعود نقشع للحرب عنوان
ونصرخ كفى هالقد بيقدي
وما يعود ع ارض الوطن جوعان

وراس الفقير ينام ع مخدي
ولا واسطة من فلان او علتان
نحتاج لولا صابنا شدة (ي )

ونرجع بلد متعدد الاديان
كنيسة وخلوة وجامع بحدي
وايدك وايدي نشد ع العدوان

وهيهات بعد قبالنا يهدي
والناس ترجع ل مضى الازمان
ايام ستي فاطمة وجدي

جدي يقلا عينك الفدان
وستي تقلو وين المهدي
وتنينهم يغدوا على البستان

ومنو عتابا ومنها ردي
وعند المسا وبعاطفة وتحنان
ورغم التعب والشغل والعدة (ي)

ع صحن كمونة بشراب رمان
وجدي تحلي بعد ما تغدي
ويروح جدي يزاور الجيران

ويصرخ يا حجي بابنا ردي
وما ينشغل بالك انا سهران
رضايي عليكي فراشنا مدي

رايح عند جرجي ابن جبران
نشرب المتي وخاطرو نهدي
حسيت مني مبارحة زعلان

وحاسس ظلمتو مبارحة بردي
يا جان هيكي بحلم الاوطان
ودخلك يا خاتم هالطلب بدي

وبدي الماسي تصير بالنسيان
بدفتر من الالام مسودة (ي)
ولا نسمع باوجاع وباحزان

وتصير هالشغلات مرتدي
حتى بقية هالعمر لو كان
باقي سنينو نعيش بالخيرات
وما شوف خيي بالبلد ضدي

الوسوم
اظهر المزيد
زر الذهاب إلى الأعلى
إغلاق
إغلاق
%d مدونون معجبون بهذه: